" />
26.12.2025
Жаңа жыл қарсаңында оқу озаттары, пәндік олимпиадалар мен шығармашылық байқаулардың жеңімпаздарына арналған дәстүрлі «Дарынды оқушыларға арналған жаңа жылдық шырша» мерекесі өтті.
Бұл шара – жыл бойы білімге деген құштарлығымен, табандылығымен және жетістіктерімен көзге түскен оқушыларды қолдау мен ынталандырудың жарқын көрінісі. Мерекелік кеш барысында оқушыларға алғыс білдіріліп, жетістіктері ерекше аталып өтті.Балаларды Ақкөл ауданының әкімі Абдрахманов Б.Т. құттықтады.
Салтанатты шарада Аяз ата мен Ақшақар, ертегі кейіпкерлері қатысып, балаларға көтеріңкі көңіл күй сыйлады. Әндер, билер, ойындар мен сыйлықтар кештің сәнін кіргізіп, оқушыларға ұмытылмас әсер қалдырды.
Дарынды оқушыларға арналған бұл мереке олардың болашақтағы жаңа жетістіктеріне шабыт беріп, алдағы жылға үлкен үміт пен сенім ұялатты.