Жаңа жыл ертегісі мектепте қайта тірілді

Жаңа жыл мерекесі қарсаңында мектебімізде нағыз сиқырлы атмосфера орнады. Сол күні ертегі кейіпкерлері тіріліп, оқушыларымызға шаттық пен қуаныш сыйлау үшін бір жерге жиналды.

Көңілді де ширақ Маша балаларды ойынға, би мен әнге баулып, мерекенің көркін аша түсті. Ал бастапқыда мерекені бұзғысы келген Гринч балалардың мейірімділігі мен шынайы күлкісін көріп, Жаңа жылдың басты мәні — жақсылық пен достық екенін түсінді.

Айлакер әрі әзілқой Баба-яга мерекеге қызықты тапсырмалар мен күлкілі сәттер қосты. Ал сұлу да салтанатты Қар ханшайымы қыстың сұлулығы мен мейірімнің құдіретін көрсетті. Мерекенің ең әсерлі сәті — барша балалар асыға күткен Аяз ата мен Ақшақардың келуі болды.

Әндер, билер, ойындар мен сыйлықтар бұл күнді ұмытылмас мерекеге айналдырды. Жаңа жыл ертегісі оқушыларға қуаныш, шабыт пен ғажайыпқа деген сенім сыйлады.

Бұл ертегілік көңіл күй жаңа жыл бойы жүректерде сақталып, оқушыларымызға сәттілік пен жаңа жетістіктер әкелсін!