Қазақстан Республикасының білім беру саласындағы өзгерістерге сәйкес 5–8 және 10-сынып оқушылары мемлекеттік тілді меңгеру деңгейін анықтау мақсатында аралық аттестаттаудан өтеді. Аталған аттестаттаудың негізгі мақсаты – білім алушылардың қазақ тілі бойынша білім, білік және дағдыларын бағалау, мемлекеттік тілдің қолданылу аясын кеңейту және оқушылардың тілдік құзыреттілігін дамыту.

Аралық аттестаттау барысында оқушылардың тыңдалым, оқылым, жазылым және айтылым дағдылары тексеріледі. Бұл олардың оқу бағдарламасын меңгеру деңгейін, функционалдық сауаттылығын және күнделікті өмірде мемлекеттік тілді қолдану қабілетін анықтауға мүмкіндік береді.

Мемлекеттік тіл бойынша аралық аттестаттау оқушылардың қазақ тіліне деген қызығушылығын арттырып, тіл мәдениетін қалыптастыруға және ұлттық құндылықтарды құрметтеуге тәрбиелейді. Сонымен қатар, аттестаттау нәтижелері білім сапасын арттыруға бағытталған жұмыстарды жоспарлауға негіз болады.

Мектебіміздің қазақ тілі мен әдебиеті пәні мұғалімдері оқушыларды аттестаттауға жан-жақты дайындап, олардың ауызша және жазбаша сөйлеу дағдыларын жетілдіруге, сөздік қорын молайтуға және мемлекеттік тілде еркін қарым-қатынас жасауына ерекше көңіл бөлуде.

Мемлекеттік тілді білу – әрбір азаматтың маңызды міндеттерінің бірі. Сондықтан аралық аттестаттау оқушылардың тілдік білімін бағалаумен қатар, олардың елжандылық қасиеттерін нығайтуға және мемлекеттік тілдің мәртебесін арттыруға ықпал етеді.