МЕКТЕП ФОРМАСЫ-МЕКТЕП МӘДЕНИЕТІНІҢ БӨЛІГІ

Құрметті ата-аналар мен оқушылар!

Жаңа 2026–2027 оқу жылының қарсаңында мектеп формасына және оқушылардың сыртқы келбетіне қойылатын талаптарды сақтау қажеттігін еске саламыз.

Біздің мектепте оқушылардың мектеп формасы классикалық іскерлік стильде болуы тиіс. Мектеп формасының негізгі түстері — қара немесе қою көк, ақ жейде немесе ақ блузкамен үйлестіріледі.

👦 Ұл балалар үшін: шалбар, пиджак немесе жилет, ақ жейде. Галстук — қалауы бойынша.

👧 Қыз балалар үшін: классикалық үлгідегі белдемше, шалбар немесе сарафан, жилет, пиджак немесе кардиган және ақ блузка.

👞 Аяқ киім таза, ұқыпты және ыңғайлы болуы керек. Оқушының сыртқы келбеті жинақы әрі іскерлік стильге сай болуы тиіс.

Мектеп Жарғысына сәйкес білім алушылардың сыртқы келбеті белгіленген талаптарға сай болуы қажет. Мектептің іскерлік стиліне сәйкес келмейтін киімдер мен аксессуарларды, ашық макияжды, ірі әшекей бұйымдарды және оқу үдерісіне кедергі келтіретін басқа да элементтерді қолданбауды сұраймыз.

Мектеп формасын сақтау балалардың бойында ұқыптылықты, жинақылықты, тәртіптілікті және мектеп ұжымына деген жауапкершілік пен құрмет сезімін қалыптастыруға ықпал етеді.

💙 Құрметті ата-аналар! Мектебіміздің бірыңғай талаптарын түсіністікпен қабылдап, қолдау көрсеткендеріңіз үшін алғыс білдіреміз. Балаларымыз үшін жайлы, іскерлік және эстетикалық білім беру ортасын бірге қалыптастырайық!

✨ Ұқыпты сыртқы келбет — өзіңе, айналаңдағы адамдарға және мектебіңе деген құрмет!