Мектеп мақтанышы

   Мектеп мақтанышы        

     Тіл-бірлік пен ынтымақтың қуатты тірегі,

жығылмас туы. Қазақстан

Республикасының Президенті Н.Ә. Назарбаев өз сөзінде «Мемлекеттік тіл-қазақ

тілі, елімізде тұрып жатқан барлық қазақстандықтарды біріктіретін күш»-деп

айтқаны орыс мектебінде  қазақ тілі пән

мұғалімдеріне бір жаңа серпін бергені деп білемін. Бүгінгі күні XXІ ғасыр  ұрпақтары жаңаша білім алып,  қоршаған ортаны сыни тұрғыдан қабылдауға

қабілетті болып тәрбиеленуде. 

     Осы бағытты ұстанған біздің мектеп директоры

Нұрова Гүлжамал Көшербайқызының басшылығымен болып жатқан игі істер,

әсіресе  «ҚР-ның Тіл туралы» Заңын жүзеге

асыру мақсатында   Ақкөл ауданының №2 орта мектебінің қазақ тілі мен әдебиеті мұғалімдері әрқашан  заманауи технологияларды

қолданып, басқа ұлт өкілдері оқушыларына сапалы білім беруде. Әрине, мұғалім

еңбегі оқушының нәтижесімен бағаланады, ал мұндай жетістіктер №2 мектептің

мұғалімдерінде баршылық.

 Әсіресе, 2016-2017 оқу жылы

мектеп үшін, аудан үшін жемісті болғаны анық. Облыс бойынша алғашқы рет облыс

әкімі қолдауымен  басқа ұлт өкілдері үшін

өткізілген 2-11 сынып оқушылары арасында «Тіл-біздің болашағымыз!» атты

іс-шарада біздің мектептің  12  оқушысы аудандық сайыста    жеңімпаз

атанды, нәтижесінде 6 оқушы облыстық байқауға жолдама алды. Облыстық байқауда

оқушыларымыз мемлекеттік тілде еркін сөйлеп, өнерлерімен баршаны тамсандырып,

табандылық көрсетіп,  үздік болып атанды.

      Облыс

көлемінде 12 жүлделі орынның 11орны 

Ақкөл ауданының  қоржынына түсіп,

оқушыларымыз топ құрамасы бойынша  ең

бірінші орынға ие болды. Бұл әрине  аудан

үшін үлкен мерей, зор жетістік, ал осы 11 оқушының ішінде 6 оқушы №2 Ақкөл орта

мектебінің шәкірттері болғаны біз үшін мақтаныш.  атап айтқанда: 11 сынып оқушысы Пантюхин

Виталий І орын иеленіп 150 000т ұтып алып, 9-10 сынып оқушылары  Бобылева Ксения  мен Харькова Анастасия ІІІ орын және 100 000

теңгеге ие болды (мұғ. Г.Б.Шұғыбаева), 9 сынып оқушысы Аникина Виолетта    жүлделі  ІІ орын алып 130 000 теңгеге қол жеткізсе,

4 сынып оқушысы Юрчик Анжела ІІІ орын жеңімпазы болып, 100 000 теңгенің

сертификатына ие болды (мұғ. Н.С.Сейтенова), 5 сынып оқушысы    Тыщенко Данил ІІІ орынды қанжығалап, 100 000

теңгенің сертификат иегері атанды (мұғ. З.К.Сағынбаева). Осындай қарқынды  нәтижелер біздің  жанымызға   

қуаныш сезімін ұялатып, бізді алға қарай жігерлендіре түсетіні сөзсіз.

      №2 Ақкөл орта мектебінің қазақ тілі

мұғалімдері өздерін әрқашан бәсекеге қабілетті екенін көрсетіп, жұмыстарын алға

басып, жаңа оқу жылында жаңа табыстарға жетіп, қойған мақсаттарын жүзеге

асырады деп ойлаймын.

                                                                                              Ақкөл ауданы, №2 орта мектебінің қазақ тілі мен әдебиеті пәнінің мұғалімі  Г.Б. Шұғыбаева